Монгол Бодлогын Сан
Эх хэлээрээ суралцаж, эх хэлээрээ мэдлэгээ түгээе.
Тэгш өнцөгт гурвалжны хурц өнцгийн биссектрий
Тэгш өнцөгт гурвалжны нэг катет нь $5$, гипотенуз нь 13 байв. Бага өнцгийн оройгоос татсан биссектрисийн уртыг ол.
A. $\dfrac{12\sqrt{26}}{5}$
B. $12.5$
C. $\dfrac{13\sqrt{26}}{3}$
D. $\dfrac{7\sqrt{26}}{3}$
E. $\dfrac{13\sqrt{26}}{5}$
Бодлогын төрөл: Сонгох
Амжилтын хувь: 25.71%
Бодлогыг оруулсан: Балхүүгийн Батбаясгалан
Бодолт
Заавар: Бага өнцгөөс татсан биссектрисийн сууриас тэгш өнцгийн орой хүртэлх зайг олоод Пифагорын теорем ашигла.
Биссектриссийн чанар: Гурвалжны өнцгийн биссектрис нь эсрэг орших талаа налсан талуудтай нь пропорционал хэсгүүдэд хуваадаг: $$\dfrac{AC}{AD}=\dfrac{BC}{BD}$$ Иймд хуваагдсан хэсгүүдийн урт нь $AD=bx$, $BD=ax$ байна. Түүнчлэн $AD+BD=c$ тул $x=\dfrac{c}{a+b}$ байна.
Биссектриссийн чанар: Гурвалжны өнцгийн биссектрис нь эсрэг орших талаа налсан талуудтай нь пропорционал хэсгүүдэд хуваадаг: $$\dfrac{AC}{AD}=\dfrac{BC}{BD}$$ Иймд хуваагдсан хэсгүүдийн урт нь $AD=bx$, $BD=ax$ байна. Түүнчлэн $AD+BD=c$ тул $x=\dfrac{c}{a+b}$ байна.
Бодолт: Пифагорын теоремоор нөгөө катетын урт нь $\sqrt{13^2-5^2}=12$ байна. Бага өнцгийн оройгоос татсан биссектрис нь эсрэг талаа $\dfrac{5\cdot 13}{13+12}=\dfrac{13}{5}$, $\dfrac{5\cdot 12}{13+12}=\dfrac{12}{5}$ урттай хэсгүүдэд хуваана. Иймд биссектрис нь $12$, $\dfrac{12}{5}$ катетуудтай тэгш өнцөг гурвалжны гипотенуз болно. Эндээс Пифагорын теоремоор
$$\ell=\sqrt{12^2+\Big(\dfrac{12}{5}\Big)^2}=\dfrac{12\sqrt{26}}{5}$$