Монгол Бодлогын Сан
Эх хэлээрээ суралцаж, эх хэлээрээ мэдлэгээ түгээе.
Бутархайн хуваарийг хосмогоор нь үржих
$\lim\limits_{x\to2}\dfrac{x(x-2)}{\sqrt{3-x}-1}$
A. $0$
B. $2$
C. $-0.75$
D. $-4$
E. $-2$
Бодлогын төрөл: Сонгох
Амжилтын хувь: 72.55%
Бодлогыг оруулсан: Балхүүгийн Батбаясгалан
Бодолт
Заавар: $a+\sqrt{b}$ ба $a-\sqrt{b}$ хэлбэрийн тоонуудыг харилцан хосмог тоонууд гэх ба эдгээрийн үржвэр нь $a^2-b$ тул бутархайн хуваарийг иррационалиас чөлөөлөхөд ашиглахад тохиоромжтой байдаг.
$$\dfrac{1}{a\pm\sqrt{b}}=\dfrac{a\mp\sqrt{b}}{a^2-b}$$
Бидний олох хязгаар нь $2(2-2)=0$, $\sqrt{3-2}-1=0$ тул $\dfrac{0}{0}$ хэлбэрийн тодорхой биш хязгаар юм. Ийм хязгаарыг бодохдоо адилтгал хувиргалт хийж өөр хялбар хязгаарт шилжүүлэх аргыг өргөн ашигладаг.
Бодолт: $$\lim\limits_{x\to2}\dfrac{x(x-2)}{\sqrt{3-x}-1}=\lim\limits_{x\to2}\dfrac{x(x-2)(\sqrt{3-x}+1)}{(3-x)-1^2}=$$
$$=\lim\limits_{x\to2}\dfrac{x(x-2)(\sqrt{3-x}+1)}{2-x}=-\lim\limits_{x\to2}x(\sqrt{3-x}+1)=$$
$$=-2\cdot(\sqrt{3-2}+1)=-4$$