Монгол Бодлогын Сан

Эх хэлээрээ суралцаж, эх хэлээрээ мэдлэгээ түгээе.

А хүнд 1, 3, 5, 7, 9 дугаартай 5 ширхэг бөмбөгтэй уут, Б хүнд 2, 4, 6, 8 дугаартай 4 ширхэг бөмбөгтэй уут өгч дараах дүрмээр тоглуулжээ.

Хүн тус бүр уутнаасаа нэг нэг бөмбөг гаргахад аль их тоотой бөмбөг гаргасан нь хожих бол Б хүн хожих магадлал $\dfrac{\fbox{a}}{\fbox{b}}$ ,
Хожсон хүн өөрийн гаргасан тоог оноо болгож авах ба хожигдсон хүн 0 оноо авах бол Б хүний онооны математик дундаж нь $\fbox{c}$ байна.

ab = 12

c = 3

Бодлогын төрөл: Нөхөх

Амжилтын хувь: 10.00%

Заавар:

$5\times 4$ хүснэгтэд тоглогч тус бүрийн хэн нь хожихыг тэмдэглэ.

Бодолт:

Хүснэгтэд Б хүн хожих боломжуудыг будаж тэмдэглэлээ. Нийт 20 нүднээс 10 нь будагдсан тул Б хүн хожих магадлал

$\dfrac{1}{2}$ . Б хүн 2 оноо аваад хожих 1 боломжтой тул магадлал нь

$\dfrac{1}{20}$ , 4 оноо аваад хожих 2 боломжтой тул магадлал нь

$\dfrac{2}{20}$ , 6 оноо аваад хожих 3 боломжтой тул магадлал нь

$\dfrac{3}{20}$ , 8 оноо аваад хожих 4 боломжтой тул магадлал нь

$\dfrac{4}{20}$ байна. Түүнчлэн 0 оноо авах буюу хожигдох магадлал нь

$\dfrac12$ тул Б хүний онооны математик дундаж

$0\cdot\dfrac12+2\cdot \dfrac{1}{20}+4\cdot\dfrac{2}{20}+6\cdot\dfrac{3}{20}+8\cdot\dfrac{4}{20}=\dfrac{60}{20}=3$ байна.